Bangungot

 Maraming beses na akong nagtanong sa sarili ko

Matatapos ba ito?

May katapusan ba ito?

Simula palang alam ko na

Mahihirapan ako kapag ipinagpatuloy ko pa

Hindi ko pinakinggan

Bulong ng aking isipan

Kaya't ako ngayon ay nakakulong sa kalagitnaan.

Sa pahena ng ating istorya

Pinagpapasa-pasahan ng mga letra

Pinipilit kong makawala Ngunit ako pala'y ikinadena.

Mga batong nakatali sa aking mga paa

Mga matang pilit na ibinubuka

Sa bangungot na ito

Magigising pa nga ba?